Адзнялі, як праходзіла свята бульбы і дранікаў у Зяленым Гаі.
У апошні дзень верасня этна-хутар на Зяленым Гаі прыняў адну з топавых падзей года – Дранік-Фэст. Дакладная колькасць гасцёў мерапрыемства пакуль невядомая, але відавочна, што яна перавысіла дзясятак тысяч чалавек.
За шэсць гадзін людзі паелі амаль тону дранікаў. Іх гатавалі 7 камандаў, якія ўдзельнічалі ў конкурсе. Пераможцамі сталі студэнты эканамічнага факультэту МДУЧ.
Акрамя ежы, было шмат нацыянальнай музыкі, конкурсаў, танцаў і продажу вырабаў магілёўскіх майстроў.
Арганізатарамі свята выступілі Цэнтр гарадскіх ініцыятываў і Магілёўскі дзяржаўны ўніверсітэт харчавання.
