Іх не называюць, аднак раз на год іх усё ж такі знайсці можна.
26 лютага. Магілёў. Ігар Лазоўскі
Раз у год гарадскія ўлады абавязаны даваць справаздачу пра поспехі і няўдачы ў разьвіцці Магілёва, прычым шмат што з таго, што яны публікуюць, становіцца вядомым упершыню. Дзіўна, але справаздачу гарадскога выканкама можна знайсці толькі ў папяровым варыянце газеты «Веснік Магілёва». Ва ўсякім выпадку, наша рэдакцыя не знайшла яго ні на сайце выдання, ні ў іншых СМІ, ні на афіцыйным сайце гарвыканкама.
А паглядзець ёсць на што. Прыводзім 12 самых цікавых, на наш погляд, лічбаў са справаздачы аб развіцці горада за 2017 год (апублікаваная ў №6 «Весніка Магілёва»).
4072 чалавек
– нарадзіліся ў Магілёве ў 2017 годзе.
6660 жанчын
– працуе ў арганізацыях аховы здароўя. Усяго – 7730 чалавек.
25,3%
– працаздольных магілёўцаў памірае ад анкалогіі. Усяго ў 2017 памерла 752 чалавекі працаздольнага ўзросту.
506,2 млн. рублёў.
– столькі магілёўцы заплацілі ў бюджэт горада падаткаў і непадатковых плацяжоў. Гэта на 68,7 млн. менш, чым у 2016 годзе.
На 42,1%
– павялічылася колькасць эканамічных злачынстваў.
767,3 рубля
– так, гэта сярэдні заробак па горадзе. Па плане павінна было быць 858,1 руб.
3,6 млн. рублёў
– такі дэфіцыт бюджэту горада (гэта больш за паўтара мільёна даляраў.Даходы Магілёва – 315,2 млн.руб.Выдаткі – 318,8 млн.
8,7%
– на столькі колькасць звольненых работнікаў перавышае лік прынятых (23224 чалавека супраць 25250). Зарэгістраваных беспрацоўных – 0,7% ад агульнай колькасці.
142 млн. рублёў
– непрададзенай прадукцыі на такую суму зараз захоўваецца ў арганізацыях горада. Гэта 53,4% да сярэднямесячнага аб’ёму вытворчасці.
30 млн. рублёў
– столькі інвеставала фірма «Шафаг 88» у будаўніцтва адміністрацыйна-дзелавога цэнтра на месцы знесенага Дома быту.
6,9 млн. рублёў
– кошт дзіцячага садка на 240 месцаў у Казіміраўцы.
3100%
– настолькі павялічыўся экспарт прадпрыемстваў горада у Аман. Што б гэта не значыла.
