Участковая камісія №38 падлічыла на датэрміновым галасаванні ў пяць разоў больш людзей, чым іх было на самай справе.
Пра гэта заявіла адразу два незалежных назіральніка на гэтым участку – Аляксей Гаўрыленка і Аляксандр Буракоў. Гаўрыленка таксама апублікаваў у сваім Facebook фатаграфію копіі пратаколу, з якога вынікае, што 8 верасня прагаласавала 263 чалавекі. У той жа час, па падліках Гаўрыленкі і Буракова, у гэты дзень на ўчастку пабывала толькі 46 выбаршчыкаў.
Як адзначана ў каментары пад постам, назіральнік ад БРСМ таксама налічыла «у пяць разоў менш людзей», чым камісія. Ніякіх прэтэнзій, зрэшты, яна не прад’яўляла.
