Вясна будзе: атрэсліся і працуем далей

Мы, магілёўскае аддзяленне ПЦ “Вясна”, Валанцёрская каманда MAYDAY і Часопіс аб правах чалавека ў Магілёве MSPRING.MEDIA афіцыйна заяўляем:

⛔- ў адказ на бяздумны і калгасны пераслед журналістаў у Магілёве апошніх дзён;

⛔- ў адказ на ўчорашні дзікунскі тэрор у дачыненні да праваабаронцаў ПЦ “Вясна”;

📢 … мы працягваем нашу працу і далей будзем дапамагаць людзям у нашым і іншых рэгіёнах, чые грамадзянскія, палітычныя, сацыяльныя і іншыя правы былі ўшчэмленыя дзяржавай. Ад юрыдычнай дапамогі – да інфармацыйнай падтрымкі.💪🏻

 😡Прэсінг ў дачыненні да журналіста БелаПАН Алеся Асіпцова, наступ на сайт 6ТВ.by, змяшчэнне ў СІЗА Алеся Бяляцкага, Валянціна Стэфановіча, Уладзіміра Лабковіча, Ніны Лабковіч, Алены Лапцёнак, Сяргея Сыса, Андрэя Палуды і Віктара Сазонава, а таксама ўтрыманне ў СІЗА праваабаронцаў «Вясны» Марфы Рабковай, Леаніда Судаленка, валанцёра Андрэя Чэпюка нельга расцэньваць інакш, як канчатковую маральную дэградацыю улады і сілавых структур у спробе разбурыць тое добрае, што яшчэ застаецца ў Рэспубліцы Беларусь.👿

Мы можам супрацьпаставіць гэтаму гвалту нашу працу, якая абапіраецца на ідэалы правоў чалавека, павагу адзін да аднаго і ўзаемадапамогу. Гвалту мы можам супрацьпаставіць толькі негвалтоўныя дзеянні.

Калі вы жадаеце нам дапамагаць, можна стаць нашым валанцёрам. Для гэтага запоўніце анкету:

https://forms.gle/ibGnr7JH7or9NJns6

Калі ў вы маеце патрэбу ў дапамозе праваабаронцаў, пішыце сюды:

 📩https://forms.gle/FpyNZtEHs3Z7GHoX9

 📧https://t.me/Eluckina

📫https://t.me/MAYDAYhelp