Агульная даўжыня мяжы Магілёўскай і Гомельскай абласцей з Браншчынай складае 355 кіламетраў.
Цяпер афіцыйна: Бранская вобласць абстрэльваецца амаль штодня, – такую заяву зрабіў губернатар прымежнай з Беларуссю вобласці РФ Аляксандр Багамаз.
Фактычна, Бранская вобласць ужо знаходзіцца на ваенным становішчы, хаця афіцыйна лінія фонту знаходзіцца ў 600 км ад гэтага рэгіёна. Ваенныя ўдары, як падкрэсліў губернатар, наносяцца па населеных пунктах вобласці як па паветры, так і па зямлі. Акрамя таго, прыкладна раз на два дні там хаваюць расейскіх салдат, якія адправіліся добраахвотнікамі на вайну з Украінай.
А на мінулых выходных у вобласці прайшлі вайсковыя вучэнні, удзельнічаць у якіх прымусілі мясцовых чыноўнікаў. Кіраўнікі выканкамаў, кіраўнікі муніцыпальных утварэнняў і дэпутаты правялі на вайсковым стрэльбішчы двухдзённыя ваенна-мабілізацыйныя зборы «ў абстаноўцы, набліжанай да баявой».
“Ростелеком” завяршыў рэканструкцыю аўтаматызаванай сістэмы цэнтралізаванага абвесткі, падлучыўшы да лічбавай сістэме больш за 100 гучнагаварыцеляў і 36 электрасірэн. А на некаторым аддаленні ад мяжы з Украінай будуецца паўнавартасная лінія абароны з заглыбленымі ў зямлю акопамі ўмацаванымі бетонам і піламатэрыяламі.
Яшчэ адзін сумны вынік вайны – каранцін па шаленстве жывёл на тэрыторыі Бранскай вобласці. Указ аб яго ўвядзенні падпісаны 18 жніўня, а эпізаатычным агменем з’яўляецца сяло Сачковічы Клімаўскага раёна. Гэта якраз тое месца, куды далятаюць любыя ўкраінскія боепрыпасы. Калі скончыцца каранцін – ніхто не бярэцца прадбачыць.
