Паніка, хітрасць ці што?
12 сакавіка. Магілёў. Алесь Святліцкі
У рэдакцыю MSPRING.ONLINE ад чытача паступіла інфармацыя аб дзіўным абвяшчэнне ў інтэрнаце №23 КУП ЖРЭУ № 7 Ленінскага раёна на вуліцы Грышына, 116.
У тэксце змяшчаецца «пераканаўчая просьба» прайсці рэнтген лёгкіх:
«Пераканаўчая просьба ў тэрміновым парадку ўсіх жыхароў 5-га паверха (501-534 пакой) з’явіцца ў паліклініку №9 на рэнтген-кантроль лёгкіх, кабінет №92».
Аб’ява падпісана імем ўчастковага лекара Рагоўскай.
Прычына, па якой людзей выклікаюць ў паліклініку – «Кантакт з інфекцыйным хворым».
– Падазрэнне можа быць. Працуюць на апярэджанне. Да нас інфармацыя паступае, калі ўжо ёсць пацверджаны выпадак, – паведамілі нам на гарачай лініі па каранавірусе Міністэрства аховы здароўя.
У паліклініцы №9 нам не ўдалося растлумачыць сітуацыю. У абласным цэнтры гігіены, эпідэміялогіі і грамадскага здароўя паведамілі, што праз рэнтгенаграфію лёгкіх каранавірус ня выяўляюць.
– Магчыма, такім чынам проста матывуюць прайсці флюараграфію, – паведамілі ў ведамстве.
