Рэспубліканскі цэнтр экалагічнай экспертызы адмовіўся выдаваць заключэнне па павелічэнню магутнасці «Омск Карбона» (ДАКУМЕНТ)

Сам завод павінен запрацаваць восенню.

25 ліпеня. Магілёў. Алесь Святліцкі


Каардынатар кампаніі «За здаровы Магілёў» Андрэй Бодзілеў паведаміў, што Рэспубліканскі цэнтр дзяржаўнай экалагічнай экспертызы і павышэння кваліфікацыі кіруючых работнікаў і спецыялістаў Міністэрства прыроды адмовіўся выдаваць заключэнне па экалагічнай экспертызе заводу «Омск Карбон Магілёў».

Мы віншуем магілёўцаў з маленькай, але, тым не менш, перамогай. Намі атрыманы адказ ад цэнтра дзяржаўнай экалагічнай экспертызы, у якім паведамляецца, што 21 чэрвеня цэнтр адмовіўся выдаваць экспертнае заключэнне па павелічэнні магутнасці вытворчасці «Омск Карбон Магілёў», – заявіў Бодилев.

Ён адзначыў, што на некаторы час «магілёўцы пазбеглі яшчэ больш вялікіх экалагічных праблем, якія магло б прынесці павелічэнне магутнасці вытворчасці».

Як вынікае з ліста намесніка дырэктара па экалагічнай дзяржэкспертызе Яўгена Рачэўскага, па стане на 5 ліпеня дакументацыя па павелічэнні магутнасці паўторна ня паступала.

Інфармацыю пацвердзіў і гендырэктар «Омск Карбон Магілёў» Марат Ігізбаеў. «Радыё Свабода» прыводзіць яго словы пра тое, што «па гэтай праектнай дакументацыі пакуль няма экалагічнай экспертызы па ацэнцы ўплыву на навакольнае асяроддзе».

– Мы распрацавалі праект санітарна-ахоўнай зоны. Ацанілі ўздзеянне нашага прадпрыемства, сумесна з нашымі прадпрыемствамі-суседзямі, на навакольнае асяроддзе на мяжы санітарна-ахоўнай зоны, таксама ў вёсках Вейна і Усход. Апроч таго, у нас праведзеная ацэнка рызыкаў уздзеяння выкідаў на здароўе насельніцтва. Гэта тычыцца праектнай магутнасці на 200 тысяч тон. Цяпер мы праводзім праектаванне і ўсе неабходныя працэдуры, – заявіў Ігізбаеў.

На дадзены момант завод падрыхтаваны на 75%. Запусціць яго плануюць восенню.