За г….на адкажа? У Магілёве праходзіць суд па крымінальнай справе за абразу міліцыянта

6 студзеня Ігар Міцянкоў, адмовіўшыся ад адваката і цалкам прызнаўшы віну, прынёс прабачэнні старэйшаму інспектару ДАІ Аляксандру Кіркалаву. Максімальна яму пагражае да трох гадоў хіміі.

Магілёўцу Ігару Міцянкову неяк іранічна шанцуе – яму пагражае крымінальная адказнасць, а судовыя паседжанні ў судзе Ленінскага раёна па ягонай справе прызначаюць акурат перад святамі.

Напярэдадні Новага года, 31 снежня, суддзя Таццяна Касцюк пачала разгляд справы ў дачыненні да Міцянкова за абразу старэйшага інспектара па адміністрацыйнай практыцы Упраўлення ДАІ УУС Магілёўскага аблвыканкама Аляксандра Кіркалава. Паседжанне доўжылася 9 хвілін – былі прадстаўлены бакі і вызначаны ход судовага працэсу.

Міцянкова абвінавачваюць у тым, што 3 верасня пад пастом у пабліку ВКонтакте «Народны патруль» ён абразіў у каментарах Кіркалава, палічыўшы, што той штрафаваў аўтамабілістаў за сігналы ў падтрымку пратэстуючых. Каментаром зацікавілася Упраўленне ўласнай бяспекі УУС Магілёўскага аблвыканкама, а потым Міцянкоў выявіў сябе спачатку падазраваным, а потым абвінавачаным па арт. 369 КК РБ (Публічная абраза прадстаўніка ўлады ў сувязі з выкананнем ім службовых абавязкаў).

Сваю віну Міцянкоў цалкам прызнаў і раскаяўся. Ад паслуг адваката абвінавачаны адмовіўся.

На гэтай ноце 6 студзеня, прама перад Калядамі, пачалося другое пасяджэнне па гэтай справе.

ЗЛОСЦЬ, РАСКАЯННЕ, ПРАБАЧЭННЕ

Спачатку Ігар Міцянкоў, не зразумеўшы пытання суддзі, адмовіўся даваць паказанні. Паводле яго слоў, яму асабліва няма чаго сказаць, акрамя выбачэнняў перад Кіркалавым.

Калі яму патлумачылі, што дастаткова адказваць на пытанні дзяржабвінаваўцы, Міцянкоў патлумачыў, што 3 верасня заходзіў у групу «Народны патруль» ў другой палове дня. Там ён убачыў пост, прысвечаны супрацоўніку ДАІ з яго фатаграфіяй, у якім сцвярджалася, што міліцыянт спыняў аўтамабілістаў і штрафаваў іх за падачу гукавога сігналу. Як высветлілася пазней, гэта не адпавядала рэчаіснасці – знаёмы Міцянкова растлумачыў таму, што Кіркалаў «займаецца кабінетнай працай» і непасрэдна вадзіцеляў не штрафуе.

– Былі выразы абразлівага характару. Быў нецэнзурны выраз – г….н. Што канкрэтна пісаў, я не памятаю, – апраўдваўся ў ходзе працэсу Міцянкоў.

Свой учынак абвінавачваны апраўдаў злосцю на тое, што падчас жнівеньскіх падзей людзям за сігнал з аўтамабіля выпісвалі штрафы. Пры гэтым сам Ігар не быў сведкам такіх інцыдэнтаў і сам, па яго сцвярджэнні, атрымаў у сваім жыцці адзіны штраф ад ДАІ «каля дзесяці гадоў таму».

Міцянкоў хацеў папрасіць прабачэння перад супрацоўнікам міліцыі яшчэ да суда, аднак не змог знайсці яго кантактаў. Мужчына папрасіў прабачэння з дазволу суддзі ў ходзе працэсу:

– Прабачце, гэта нізінны ўчынак. Я не ведаю, што гэта адбылося. Мне было б таксама непрыемна, калі б хтосьці так напісаў пра мяне. Я шчыра прашу прабачэння.

Кіркалаў прабачэнні прыняў.

ЯК ПЛАЧ ДЗІЦЯЦІ ПРЫВЁЎ ДА НЕПРЫЕМНЫХ ПЫТАННЯЎ ПРАКУРОРА

З матэрыялаў справы вынікае, што цалкам каментар гучаў так: «Трэба г….на правучыць… Ведаем, дзе жыве… Магілёў таксама можа…».

Пад час следства Міцянкоў, як пазначана ў пратаколах апытання, сярод прычын свайго ўчынку называў «сітуацыю ў Беларусі» і «неаднаразовае прыцягненне да адміністрацыйнай адказнасці».

Што да апошняга, абвінавачаны на судзе заявіў, што на яго аўтамабіль зарэгістравана каля дзясятка штрафаў. Аднак канкрэтна яго да адказнасці прыцягнулі толькі аднойчы і вельмі даўно – астатнія штрафы атрымаў яго сваяк. Гэта значыць матыву помсціць міліцыянту ДАІ Кіркалаву ў Міцянкова не было. Аднак дзяржаўная абвінаваўца звярнула ўвагу на тое, што ў ходзе следства абвінавачваны заяўляў пра помсту, а на судзе змяніў паказанні.

Разыходжанне ў сваіх словах Міцянкоў патлумачыў дзіўнымі просьбамі следчага:

– На тых, першых паказаннях, якія я даваў у Следчым камітэце, там няма такога, што я хацеў адпомсціць. У апошнія пару раз, калі мяне выклікалі следчыя, яны казалі, што там усё тое ж самае, а я абодва разы быў з дзіцем і хутка падпісваў, не чытаў, дзіця плакала.

Той факт, што следчы прасіў мужчыну нешта падпісаць не гледзячы, бачнай рэакцыі з боку дзяржабвінаваўцы ў судзе не выклікаў, як і тое, што Міцянкову даводзілася з’яўляцца ў СК з маленькім дзіцем.

МІЛІЦЫЯНТ ПАПРАСІЎ МІНІМАЛЬНАГА ПАКАРАННЯ ДЛЯ АБВІНАВАЧАНАГА

Старшы інспектар па адміністрацыйнай практыцы Упраўлення ДАІ УУС Магілёўскага аблвыканкама Аляксандр Кіркалаў растлумачыў, што каментара Ігара Міцянкова ён не бачыў, пакуль яму яго не паказалі сваякі. Пазней Кіркалава аб каментары таксама апавясцілі супрацоўнікі Упраўлення ўласнай бяспекі УУС Магілёўскага аблвыканкама.

Каментар быў размешчаны пад пастом, у якім змяшчалася фота супрацоўніка міліцыі, а таксама інфармацыя пра яго. Кіркалаў заявіў, што здымак быў узяты з телеграм-чата «А59», створанага супрацоўнікамі магілёўскага ДАІ. На здымку ён быў зафіксаваны ў цывільным адзенні на мітынгу 19 жніўня 2020.

У сваім выступе пацярпелы згадаў магілёўскага праваабаронцу і актывіста Аляксандра Хамратава, якога затрымалі ў лістападзе супрацоўнікі ГУБАЗіК.

АМАП, ГУБАЗіК, ператрус. Што здарылася з актывістам і праваабаронцай Аляксандрам Хамратавым

– Як мне сказалі супрацоўнікі Упраўлення ўласнай бяспекі, саму публікацыю, да якой людзі пакінулі каментары, выклаў Хамратаў. Па лініі ДАІ мы трохі змагаемся, ён праваабаронца, скаргі пастаянна піша, – сказаў Кіркалаў.

Ён падкрэсліў, што асабіста не склаў ніводнага пратакола за пададзены ў ходзе пратэстаў гукавы сігнал – гэта значыць інфармацыя ў посце, дзе сцвярджалася адваротнае, не адпавядала рэчаіснасці.

Міліцыянт папрасіў прымяніць да абвінавачанага мінімальна магчымае пакаранне, а таксама заявіў іскавае патрабаванне аб кампенсацыі маральнай шкоды ў 1000 BYN, каб у наступным накіраваць іх на карысць Міністэрства аховы здароўя.

Таксама ён папрасіў праз суд апублікаваць абвяржэнне ў пабліку “Народны патруль”, але суддзя Тацяна Касцюк па фармальных прычынах запатрабавала перарабіць іскавую заяву. Наступнае паседжанне яна прызначыла на 26 студзеня.6 студзеня Ігар Міцянкоў, адмовіўшыся ад адваката і цалкам прызнаўшы віну, прынёс прабачэнні старэйшаму інспектару ДАІ Аляксандру Кіркалаву. Максімальна яму пагражае да трох гадоў хіміі.

Магілёўцу Ігару Міцянкову неяк іранічна шанцуе – яму пагражае крымінальная адказнасць, а судовыя паседжанні ў судзе Ленінскага раёна па ягонай справе прызначаюць акурат перад святамі.

Напярэдадні Новага года, 31 снежня, суддзя Таццяна Касцюк пачала разгляд справы ў дачыненні да Міцянкова за абразу старэйшага інспектара па адміністрацыйнай практыцы Упраўлення ДАІ УУС Магілёўскага аблвыканкама Аляксандра Кіркалава. Паседжанне доўжылася 9 хвілін – былі прадстаўлены бакі і вызначаны ход судовага працэсу.

Міцянкова абвінавачваюць у тым, што 3 верасня пад пастом у пабліку ВКонтакте «Народны патруль» ён абразіў у каментарах Кіркалава, палічыўшы, што той штрафаваў аўтамабілістаў за сігналы ў падтрымку пратэстуючых. Каментаром зацікавілася Упраўленне ўласнай бяспекі УУС Магілёўскага аблвыканкама, а потым Міцянкоў выявіў сябе спачатку падазраваным, а потым абвінавачаным па арт. 369 КК РБ (Публічная абраза прадстаўніка ўлады ў сувязі з выкананнем ім службовых абавязкаў).

Сваю віну Міцянкоў цалкам прызнаў і раскаяўся. Ад паслуг адваката абвінавачаны адмовіўся.

На гэтай ноце 6 студзеня, прама перад Калядамі, пачалося другое пасяджэнне па гэтай справе.

ЗЛОСЦЬ, РАСКАЯННЕ, ПРАБАЧЭННЕ

Спачатку Ігар Міцянкоў, не зразумеўшы пытання суддзі, адмовіўся даваць паказанні. Паводле яго слоў, яму асабліва няма чаго сказаць, акрамя выбачэнняў перад Кіркалавым.

Калі яму патлумачылі, што дастаткова адказваць на пытанні дзяржабвінаваўцы, Міцянкоў патлумачыў, што 3 верасня заходзіў у групу «Народны патруль» ў другой палове дня. Там ён убачыў пост, прысвечаны супрацоўніку ДАІ з яго фатаграфіяй, у якім сцвярджалася, што міліцыянт спыняў аўтамабілістаў і штрафаваў іх за падачу гукавога сігналу. Як высветлілася пазней, гэта не адпавядала рэчаіснасці – знаёмы Міцянкова растлумачыў таму, што Кіркалаў «займаецца кабінетнай працай» і непасрэдна вадзіцеляў не штрафуе.

– Былі выразы абразлівага характару. Быў нецэнзурны выраз – г….н. Што канкрэтна пісаў, я не памятаю, – апраўдваўся ў ходзе працэсу Міцянкоў.

Свой учынак абвінавачваны апраўдаў злосцю на тое, што падчас жнівеньскіх падзей людзям за сігнал з аўтамабіля выпісвалі штрафы. Пры гэтым сам Ігар не быў сведкам такіх інцыдэнтаў і сам, па яго сцвярджэнні, атрымаў у сваім жыцці адзіны штраф ад ДАІ «каля дзесяці гадоў таму».

Міцянкоў хацеў папрасіць прабачэння перад супрацоўнікам міліцыі яшчэ да суда, аднак не змог знайсці яго кантактаў. Мужчына папрасіў прабачэння з дазволу суддзі ў ходзе працэсу:

– Прабачце, гэта нізінны ўчынак. Я не ведаю, што гэта адбылося. Мне было б таксама непрыемна, калі б хтосьці так напісаў пра мяне. Я шчыра прашу прабачэння.

Кіркалаў прабачэнні прыняў.

ЯК ПЛАЧ ДЗІЦЯЦІ ПРЫВЁЎ ДА НЕПРЫЕМНЫХ ПЫТАННЯЎ ПРАКУРОРА

З матэрыялаў справы вынікае, што цалкам каментар гучаў так: «Трэба г….на правучыць… Ведаем, дзе жыве… Магілёў таксама можа…».

Пад час следства Міцянкоў, як пазначана ў пратаколах апытання, сярод прычын свайго ўчынку называў «сітуацыю ў Беларусі» і «неаднаразовае прыцягненне да адміністрацыйнай адказнасці».

Што да апошняга, абвінавачаны на судзе заявіў, што на яго аўтамабіль зарэгістравана каля дзясятка штрафаў. Аднак канкрэтна яго да адказнасці прыцягнулі толькі аднойчы і вельмі даўно – астатнія штрафы атрымаў яго сваяк. Гэта значыць матыву помсціць міліцыянту ДАІ Кіркалаву ў Міцянкова не было. Аднак дзяржаўная абвінаваўца звярнула ўвагу на тое, што ў ходзе следства абвінавачваны заяўляў пра помсту, а на судзе змяніў паказанні.

Разыходжанне ў сваіх словах Міцянкоў патлумачыў дзіўнымі просьбамі следчага:

– На тых, першых паказаннях, якія я даваў у Следчым камітэце, там няма такога, што я хацеў адпомсціць. У апошнія пару раз, калі мяне выклікалі следчыя, яны казалі, што там усё тое ж самае, а я абодва разы быў з дзіцем і хутка падпісваў, не чытаў, дзіця плакала.

Той факт, што следчы прасіў мужчыну нешта падпісаць не гледзячы, бачнай рэакцыі з боку дзяржабвінаваўцы ў судзе не выклікаў, як і тое, што Міцянкову даводзілася з’яўляцца ў СК з маленькім дзіцем.

МІЛІЦЫЯНТ ПАПРАСІЎ МІНІМАЛЬНАГА ПАКАРАННЯ ДЛЯ АБВІНАВАЧАНАГА

Старшы інспектар па адміністрацыйнай практыцы Упраўлення ДАІ УУС Магілёўскага аблвыканкама Аляксандр Кіркалаў растлумачыў, што каментара Ігара Міцянкова ён не бачыў, пакуль яму яго не паказалі сваякі. Пазней Кіркалава аб каментары таксама апавясцілі супрацоўнікі Упраўлення ўласнай бяспекі УУС Магілёўскага аблвыканкама.

Каментар быў размешчаны пад пастом, у якім змяшчалася фота супрацоўніка міліцыі, а таксама інфармацыя пра яго. Кіркалаў заявіў, што здымак быў узяты з телеграм-чата «А59», створанага супрацоўнікамі магілёўскага ДАІ. На здымку ён быў зафіксаваны ў цывільным адзенні на мітынгу 19 жніўня 2020.

У сваім выступе пацярпелы згадаў магілёўскага праваабаронцу і актывіста Аляксандра Хамратава, якога затрымалі ў лістападзе супрацоўнікі ГУБАЗіК.

АМАП, ГУБАЗіК, ператрус. Што здарылася з актывістам і праваабаронцай Аляксандрам Хамратавым

– Як мне сказалі супрацоўнікі Упраўлення ўласнай бяспекі, саму публікацыю, да якой людзі пакінулі каментары, выклаў Хамратаў. Па лініі ДАІ мы трохі змагаемся, ён праваабаронца, скаргі пастаянна піша, – сказаў Кіркалаў.

Ён падкрэсліў, што асабіста не склаў ніводнага пратакола за пададзены ў ходзе пратэстаў гукавы сігнал – гэта значыць інфармацыя ў посце, дзе сцвярджалася адваротнае, не адпавядала рэчаіснасці.

Міліцыянт папрасіў прымяніць да абвінавачанага мінімальна магчымае пакаранне, а таксама заявіў іскавае патрабаванне аб кампенсацыі маральнай шкоды ў 1000 BYN, каб у наступным накіраваць іх на карысць Міністэрства аховы здароўя.

Таксама ён папрасіў праз суд апублікаваць абвяржэнне ў пабліку “Народны патруль”, але суддзя Тацяна Касцюк па фармальных прычынах запатрабавала перарабіць іскавую заяву. Наступнае паседжанне яна прызначыла на 26 студзеня.