Цікавая дэталь на афіцыйным сайце гарвыканкама.
4 чэрвеня. Магілёў. Ігар Лазоўскі
На афіцыйным сайце Магілёўскага гарвыканкама ёсць рубрыка «Гарады-пабрацімы». Усяго такіх сёння налічваецца 18. Сярод іх – гарады з Расіі, Францыі, Кітая, Украіны, Турцыі, Славакіі, Балгарыі, Літвы, Польшчы і іншых. Каля кожнага населенага пункта ў дужках указваецца яго краіна.
Акрамя аднаго.
Керч – горад на ўсходнім узбярэжжы Крыма. Паўвыспу ў 2014 годзе анэксавала Расійская Федэрацыя. Міжнародная супольнасць, у тым ліку Еўрапейскі Саюз і Арганізацыя Аб’яднаных нацый, прызнала захоп Крыма незаконным.
Падобнай пазіцыі прытрымліваюцца і беларускія ўлады – яны на чале з Аляксандрам Лукашэнкам адмовіліся прызнаваць Крым расійскім.
Зрэшты, у Магілёўскім гарвыканкаме, мяркуючы па Керчы, яго не прызнаюць ні расейскім, ні украінскім.
