Новы праваабарончы дзвіж будзе хутка і ў іншых гарадах.
17 лютага. Магілёў. Ігар Лазоўскі
У суботу, 15 лютага, грамадскі цэнтр «Кола» ў Магілёве прыняў уводны курс па правах чалавека “Тэрыторыя правоў» ад Беларускай праваабарончай школы (БПШ).
БПШ – адукацыйна-асветніцкая ініцыятыва цэлага шэрагу праваабарончых арганізацый з Беларусі, закліканая распавядаць як мага большай колькасці беларусаў і беларусак пра каштоўнасць правоў чалавека. Каманда «Беларускай праваабарончай школы» ладзіць мноства кароткатэрміновых і доўгатэрміновых праграм, івэнтаў і ініцыятыў. Усе іх аб’ядноўвае адно – павага чалавечай годнасці і падыход, заснаваны на правах чалавека.
У рамках ўступнага курса «Тэрыторыя правоў» ў Магілёў прыехаў каардынатар праграм «БПШ» Андрэй Палуда і са-каардынатар Дар’я Рублеўская.
На курс зарэгістравалася каля тузіна удзельнікаў. Разам з лектарамі яны разбіраліся, як з’явіліся правы чалавека, якія сучасныя выклікі сёння паўстаюць перад чалавецтвам і як зрабіць так, каб чалавечая годнасць была ў цэнтры ўвагі розных сацыяльных інстытутаў.
Акрамя таго, вялікі ўпор быў зроблены на тымбілдынг і практычныя заданні – па логіцы арганізатараў «Тэрыторыі правоў», людзі, якім цікавая тэма правоў чалавека, могуць аб’ядноўвацца ў кам’юніці для далейшага навучання і вырашэння лакальных праваабарончых задач.
Магілёў стаў першым горадам, дзе прайшоў гэты праваабарончы курс. На чарзе – іншыя гарады Беларусі
Як праходзіла “Тэрыторыя правоў” – у фотарэпартажы «Беларускай праваабарончай школы»:
