У Магілёве перад выбарамі міліцыя пайшла па каледжах і ліцэях.
11 студзеня ў актавай зале Магілёўскага сацыяльна-гуманітарнага каледжа пры МДУ імя А.А.Куляшова каля двухсот навучэнцаў былі сабраны пад наглядам педагогаў на прафілактычную інфармацыйную сустрэчу, якую правяла інспектар ІДН Ленінскага РУУС Калініна.
Яна папярэдзіла навучэнцаў аб крымінальнай і адміністрацыйнай адказнасці за ўдзел у масавых мерапрыемствах, звязаных з выбарамі, і за злачынствы “экстрэмісцкага характару”.
Выкладчыкі, якія жорстка сачылі за яўкай навучэнцаў, моляць іх “нікуды не ўлазіць”, пакуль не пройдзе галасаванне і расказваюць аб вялікай колькасці “тых, хто сядзіць па турмах з-за палітыкі”. Такімі сведчаннямі навучэнцы дзеляцца ў сацсетках.
