З-за прыбыцця у горад дэльфінарыя, актывізаваліся мясцовыя абаронцы жывёл.
Да іх можна аднесці і юную Крысціну Шаўрову. Даведаўшыся пра прыезд “воднага цырку”, дзяўчына апублікавала ў сацыяльнай сетцы «Вконтакте» заклік да адмовы наведаваць ўстанову. За кароткі тэрмін паведамленне сабрала больш за паўсотні перареэпостаў.
– Наша асноўная ідэя – гэта мірнае і настойлівае данясенне праўды да жыхароў горада, якія недастаткова дасведчаныя, даць ім магчымасць паглядзець праз прызму праўдзівай рэальнасці, якая хаваецца за афішамі і верай у міфы пра «дабрыню» цыркавых нумароў з жывёламі, – гаворыцца ў прэс -релизе.
Крысціна Шаўрова лічыць, што многія людзі проста не разумеюць, што адбываецца ў дэльфінарыі і іншых падобных установах:
– Праязджаючы міма фургонаў, на адным з іх я заўважыла афішу пра цырк на вадзе. Тое, што мы там бачым – гэта вяршыня айсберга. Зараз я назіраю індустрыі, заснаваныя на эксплуатацыі жывёл, штодня. Дэльфінарый стаў адпраўной кропкай. Зараз наша асноўная цэль – гэта прыцягненне ўвагі грамадскасці да праблем. Асноўны сродак – масавае інфармаванне, – заявіла Крысціна.
Па словах дзяўчыны, ўсведамляць сур’ёзнасць разумнага абыходжання з жывёламі, яна стала нядаўна:
– Я ж таксама была калісьці саўдзельнікам, штогод наведвала падобныя шоў, ўжывала ў ежу жывёльныя прадукты і зусім нядаўна толькі пачала вывучаць сітуацыю больш пільна. Ня шмат людзей гэта ўсведамляюць, на жаль. У планах – задаць ўжывую арганізатарам некалькі вострых пытанняў. Дапамога СМІ была б вельмі дарэчы. Людзі таксама могуць дапамагчы нам у якасці валанцёраў. Наша сіла ў нашай шматлікасці. Чым больш людзей разумеюць праблему, тым больш шанцаў назаўжды скончыць з падобнымі сферамі забаў, – лічыць Крысціна.
Перасоўны дэльфінарый ў Магілёве размясціўся па вул. Габраўскай, 32, побач з крамай «Рублёўскі», і будзе дзейнічаць да 10 студзеня. Як запэўніваюць арганізатары, гараджан чакае гадзіннае прадстаўленне з удзелам марскіх ластаногіх жывёл – дэльфінаў, марскіх котыкаў і цюленяў.
«Правы чалавека ў Магілёве» сочаць за развіццём сітуацыі.
