У наваполацкай папраўчай калоніі №1 ужо другі месяц не могуць наладзіць працу інтэрнэт-крамы для рэжымных перадач.
Нагадаем, афіцыйна аб яго запуску было абвешчана 1 снежня мінулага года і нейкі час ён нават працаваў у тэставым рэжыме, хаця ў асартыменце не было нават якасных карцінак прапанаванага тавару.
Цяпер адміністратары турэмнай пляцоўкі дааформілі галоўную старонку фатаграфіямі запампаванымі з інтэрнэту, але часова адключылі яе ад карыстальнікаў на тэхабслугоўванне. Пакуль што інтэрнэт-крама закрылася, як мінімум на паўтара тыдня, яе перападключэнне абяцаюць у панядзелак 27 студзеня.
Крама мае ўліковыя дадзеныя філіяла “Тэхнатара” прадпрыемства глыбоцкай ВК-13 “Беразвечча”, зарэгістраванага Глыбоцкім райвыканкамам. Адрас інтэрнэт-крамы – https://ik1mag.by
Адзначым, што з перабоямі працуюць усе такія гандлёвыя пляцоўкі адчыненыя пры папраўчых калоніях. Знайсці праграміста сярэдняга ўзроўню для працы ва ўстановах ДВП вялікая праблема.