Напярэдадні выбараў праграма віншаванняў на бабруйскім радыё “Zefir FM”, якой перыядычна карысталіся сваякі асуджаных, якія адбываюць тэрмін у ПК-2, рэзка пайшла “ў водпуск”.
Нагадаем, у жніўні мінулага года мы паведамлялі аб сітуацыі, калі вядучаму праграмы віншаванняў “Шалом” Міхаілу Гуціну начальства прыгразіла адхіленнем ад эфіру, калі ён не спыніць зачытваць віншаванні зняволеным. У адказ радыёвядучага прымусілі запісаць відэазварот “у стылі губопік”, у якім ён усё абвяргаў, называючы недзяржаўныя СМІ “экстрэмісцкімі”.
Цяпер, з мінулай пятніцы на старонцы радыёстанцыі ў сацсетках вісіць паведамленне аб нявыхадзе праграмы “па тэхнічных прычынах”. Аднак, як удалося даведацца MAYDAY TEAM , праграма не будзе выходзіць у эфір, як мінімум, да 1 лютага, і тэхнічныя прычыны – гэта толькі нагода.
Насамрэч перад прэзідэнцкімі выбарамі ўсе дзяржаўныя СМІ перайшлі на асаблівы рэжым. Спыняецца любая спроба выхаду ў эфір выпадковага непадкантрольнага слова.
