У бліжэйшы час яна наўрад ці адправіцца адпачываць у краіны Еўрасаюза.
Еўрапейскі саюз зацвердзіў трэці пакет санкцый супраць беларускіх уладаў і кампаній, якія актыўна падтрымліваюць рэжым Аляксандра Лукашэнкі. У новым спісе – 29 прозвішчаў фізічных асоб і 7 найменняў арганізацый.
Сярод самых вядомых – старшыня Савета Рэспублікі Наталля Качанава, генеральны пракурор Рэспублікі Беларусь Андрэй Швед, экс-міністр аховы здароўя Уладзімір Каранік, старшыня Белтэлерадыёкампаніі Іван Эйсмант.
Зрэшты, у гэты раз дасталася і тым, хто, на думку еўрачыноўнікаў, ладзіў рэпрэсіі ў беларускіх рэгіёнах. Адно з прозвішчаў у санкцыйных спісе належыць суддзі суда Ленінскага раёна Магілёва Алене Літвіной – у гэтым годзе яе прозвішча даведаліся дзясяткі магілёўцаў, якіх яна пакаралі за мірны пратэст.
“НЯСЕ АДКАЗНАСЦЬ ЗА ПАДРЫЎ ВЯРШЭНСТВА ЗАКОНУ”
У санкцыйныя дакуменце 32020R2129, які быў апублікаваны ў часопісе ЕС, прозвішча і імя Алены Літвіной стаяць пад нумарам 80. Тое, што гэта менавіта «наша» суддзя, няма ніякіх сумневаў – у графе ідэнтыфікуючая інфармацыя стаіць пазначэнне «Judge of the Leninsky district court in Mogilev» [суддзя Ленінскага раённага суда ў Магілёве].
Згодна з пазіцыі Еўразвяза, Літвіна «нясе адказнасць за парушэнні правоў чалавека і падрыў вяршэнства закона».
«У якасці суддзі Ленінскага раённага суда Магілёва яна нясе адказнасць за шматлікія палітычна матываваныя рашэнні ў дачыненні да журналістаў, лідараў апазіцыі, актывістаў і пратэстуючых, у прыватнасці вынясенне прысуду Сяргею Ціханоўскаму – актывісту апазіцыі і мужу кандыдата ў прэзідэнты Святланы Ціханоўскай. Аб парушэннях права на абарону паведамлялася падчас судовых працэсаў, якія праводзяцца пад яе наглядам.
Таму яна нясе адказнасць за парушэнні правоў чалавека і падрыў вяршэнства закона, а таксама за садзейнічанне рэпрэсіям супраць грамадзянскай супольнасці і дэмакратычнай апазіцыі», – гаворыцца ў паведамленні ведамства.
ЧАМУ ПАД САНКЦЫЯМІ МЕНАВІТА ЛІТВІНА?
23 ліпеня 2020 года менавіта Алена Літвіна судзіла па відэасувязі ў Магілёўскім абласным судзе палітыка і блогера Сяргея Ціханоўскага. На той момант ён ужо быў пад вартай па крымінальнай справе аб масавых беспарадках у Гродна 29 траўня і знаходзіўся ў мінскім СІЗА №1.
Тады Літвіна вынесла пастанову, згодна з якой Ціханоўскі зладзіў «несанкцыянаванае масавае мерапрыемства» прама падчас законнага пікету па зборы подпісаў за вылучэнне Святланы Ціханоўскай кандыдаткай у прэзідэнты Рэспублікі Беларусь 27 траўня перад ГЦ «Атрыум» у Магілёве. За гэта суддзя пакарала чалавека, які знаходзіўся ў СІЗА, 15 суткамі арышту.
Варта адзначыць, што на тым працэсе, па ўспамінах журналіста MSPRING.MEDIA, Літвіна паводзіла сябе вельмі нервова і зло. Пасля таго, як нехта з залы выгукнуў Ціханоўскаму фразу “Мы з табой“, яна выдаліла ўсіх гледачоў і журналістаў.
Менавіта суд над Ціханоўскім, мяркуючы па ўсім, і стаў галоўнай падставай для ўключэння Літвіной у санкцыйных спіс.
Спасылкі еўрачыноўнікаў на “шматлікія палітычна матываваныя рашэнні ў дачыненні да журналістаў, лідараў апазіцыі, актывістаў і пратэстуючых», вядома, так жа паўплывалі, але ёсць і тыя, хто вызначыўся на гэтай ніве ярчэй. Па дадзеных валанцёраў праваабарончай каманды MAYDAY, Літвіна судзіла магілёўцаў па “палітычных” кейсах не так часта, як, да прыкладу, яе калега Аксана Ратнікава.
НЕ ЦІХАНОЎСКІМ АДЗІНЫМ
За гэты год, акрамя суда над Сяргеем Ціханоўскім, у Алены Літвіной хапала яркіх паседжанняў. Напрыклад, менавіта ёй даверылі судзіць у Магілёве першую крымінальную справу з палітычным падтэкстам пасля выбараў 9 жніўня.
Магілёўца Уладзіміра Шустава, экс-камандзіра ўзвода АМАП, абвінавацілі ў тым, што ён падчас разгону на плошчы Зорак 10 жніўня ужыў фізічны гвалт у дачыненні да супрацоўніка міліцыі. Дзяржабвінаваўца Івуціна запытвала для Шустава 5 гадоў калоніі, Літвіна жа абмежавалася 3 гадамі пазбаўлення волі.
У кастрычніку Літвіна дала 12 сутак арышту па артыкуле 23.34 КаАП РБ медыку Андрэю Вярбіцкаму, тым самым давёўшы агульны яго тэрмін знаходжання ў няволі да 26 сутак.
У верасні Алена Літвіна судзіла галоўрэда сайта 6tv.by Зміцера Салаўёва, таксама пастанавіўшы арыштаваць яго на 7 сутак. У тым жа месяцы 8 сутак арышту былі прызначаны актывісту Андрэю Лявонаву. У наступным у дачыненні да яго распачалі крымінальную справу па факце фізічнага гвалту ў дачыненні да супрацоўніка міліцыі.
Гэта – толькі некалькі яркіх эпізодаў. Адміністрацыйных судоў у дачыненні да магілёўцаў за мірныя пратэсты суддзя Літвіна правяла куды больш.
Уключэнне ў санкцыйных спіс ЕС – значны ход у дачыненні да суддзяў і чыноўнікаў, якія занядбалі міжнароднымі нормамі і правамі чалавека. Калі верыць ЕС, усе актывы Алены Літвіной ў зоне Еўрасаюза будуць замарожаны, а ёй забароняць уезд на тэрыторыю блока.
Зрэшты, ёсць падазрэнне, што сама суддзя наўрад ці заўважыць ўздзеянне санкцый на яе жыццё.