Грамадзяне Расіі, якім забаронены выезд з РФ, усё ж прымудрыліся выязджаць у Беларусь, а ўжо адсюль — у іншыя краіны.
Як стала вядома, на выхадных як мінімум два грамадзяніны Расіі пакінулі сваю краіну, уехаўшы ў Беларусь, а пазней вылецелі з аэрапорта Мінск-2.
У адным выпадку гаворка ідзе пра мужчыну, які ўехаў у Беларусь на аўтамабілі па трасе М1 Масква — Мінск, прад’явіўшы пашпарт памежнікам для фатаграфавання і фіксацыі даных. Яго выезд быў афіцыйна абмежаваны Федэральнай службай судовых прыставаў (ФССП) праз буйныя даўгі, аднак на гэта не звярнулі ўвагі.
У іншым выпадку з Беларусі вылецеў расійскі прызыўнік, які раней падпісаў павестку аб яўцы ў ваенкамат.
Нагадаем, у канцы красавіка Дзяржаўны памежны камітэт Беларусі пацвердзіў, што грамадзяне Расіі, якім забаранілі выезд з краіны пасля атрымання павесткі ў армію, не змогуць выехаць за мяжу праз беларускую тэрыторыю. Скандал разгарэўся пасля таго, як 23 красавіка прызыўніку з Санкт-Пецярбурга ў мінскім аэрапорце было адмоўлена ў пасадцы на рэйс у Тбілісі, а пазней і ў Ерэван.