Падобна, стала зразумела, хто ў Магілёве пойдзе на датэрміновае галасаванне ў ліку першых – студэнты БРУ.
“Ідзем на выбары разам” – гэта тэма сустрэчы рэктарата Беларуска-Расійскага ўніверсітэта са старастамі навучальных груп, студэнтамі-куратарамі і кіраўнікамі ўніверсітэцкіх ячэек БРСМ. На гэты раз важнасць яўкі на выбарах тлумачыў асабіста рэктар універсітэта Міхаіл Лусцянкоў.
Крыніцы MSPRING.MEDIA звяртаюць увагу, што ў першым шэрагу сядзеў дэкан электратэхнічнага факультэта і кіраўнік універсітэцкай пяршоўкі РГА “Белая Русь” Сяргей Болатаў.
Апошнія шэсць гадоў ён быў нязменным сябрам выбарчых камісій рознага ўзроўню, якія фальсіфікавалі вынікі галасавання. А падчас збору подпісаў за Святлану Ціханоўскую ў 2020 годзе ён асабіста патруляваў пляцоўку каля дыягнастычнага цэнтра, дзе людзі выстройваліся ў чэргі, каб выяўляць нелаяльных студэнтаў БРУ.
Менавіта ён на гэты раз сачыў за яўкай на імпрэзу. Сама лекцыя скончылася флэшмобам пад назвай “Ідзем на выбары разам”, ад якога немагчыма было адмовіцца.
