Дзякуючы платформе Pavetra.online жыхары горада змогуць даведацца пра наяўнасць дробных часціц у паветры.
5 лютага. Магілёў. Алесь Святліцкі. На здымку – Сяргей Пехцераў, vk.com/mogilev_creative
Увага! Пры перадрукоўцы гэтага матэрыяла іншымі СМІ, пазначэнне mspring.online як крыніцы з гіперспасылкай на арыгінал ў першым абзацы абавязковае!
Магілёвец Сяргей Пехцераў ўдзельнічае ў 13-й сезоне конкурсу сацыяльных праектаў Social Weekend разам з праектам Pavetra – народным маніторынгу дробных часціц у паветры.
Паказчыкі будуць здымацца раз у 20 хвілін і абнаўляцца на інтэрактыўнай анлайн-мапе. Яна ўжо працуе ў тэставым рэжыме па адрасе Pavetra.online.
– Сабраныя дадзеныя будуць у адкрытым доступе і кожны зможа іх прааналізаваць. Ведаючы бягучы стан паветра, можна спланаваць свой шпацыр па месцы і часу, а таксама ведаць у якіх раёнах горада лепш здымаць кватэру. У перспектыве, хацелася б апавяшчаць аб небяспецы праз Telegram і Instagram, – распавёў Сяргей пра карысць свайго праекту.
Ён адзначае, што падобныя ідэі рэалізаваныя ўжо ў іншых краінах свету, але ў Беларусі чагосьці падобнага пакуль няма.
Ідэя праекта нарадзілася пасля таго, як Сяргей прачытаў матэрыял mspring.online аб экалагічным становішчы ў Омску і тое, што омскія актывісты раілі магілёўскім калегам купіць датчыкі на Аліэкспрэсе, каб рабіць замеры паветра.
– Я пайшоў далей і пачаў вывучаць, як аўтаматызаваць працэс збору дадзеных і які ўжо ёсць вопыт. Я наткнуўся на сайт waqi і зацікавіўся тэрмінам AQI (Air Quality Index). Гэты AQI ў кожнай краіне свой і вызначаецца па розных паказчыках. Але ёсць адзін агульны паказчык pm2.5 і pm10 – колькасць часціц памерам 2.5 і 10 мікрон адпаведна (для параўнання, таўшчыня чалавечага воласа – 70 мікрон, а эрытрацытаў – 10). Такія часціцы небяспечныя тым, што яны павольна абсоўваюцца і лёгка пранікаюць у цела чалавека. Пра гэта зараз шмат гавораць, бо іх ўздзеянне яшчэ не да канца вывучана, але ўжо дакладна ў СНД яны забіраюць 1 год жыцця, – сцвярджае Пехцераў.
Паводле яго слоў, датчыкі лічаць толькі колькасць, а не склад забруджвання.
– Праект не заклiкае да абвінавачвання якога-небудзь завода. Крыніцай забруджвання ў першую чаргу з’яўляюцца аўтамабілі, – сказаў магілёўскі актывіст.
Ён вырашыў удзельнічаць з Pavetra у Social Weekend, каб атрымаць грошы (4500 рублёў) для ўстаноўкі датчыкаў ва ўсіх абласных цэнтрах. Але пры гэтым абяцае, што нават калі нічога не выйграе, то ў Магілёве праект будзе працаваць.
mspring.online заклікае магілёўцаў, якія гатовыя абараняць сваё права на чыстае паветра і здаровую экалогію, прагаласаваць за праект Сяргея Пехцерава. Калі вам не шкада 1 рубля, адпраўце СМС з лічбамі 2166 на нумар 7755.
- У апошнія некалькі месяцаў экалагічная тэма выклікае рэзананс сярод магілёўцаў.
- Многія скардзяцца на драўняны пах у цэнтры горада. Людзі падазраюць, што крыніцамі саладкаватаг водару з’яўляюцца дрэваапрацоўчыя прадпрыемствы ў СЭЗ «Магілёў».
- У лістападзе 2018 года на прадпрыемстве «Омск Карбон Магілёў» адбыўся выкід рэчыва, падобнага на сажу. Эколагі правялі аналізы паветра і выявілі перавышэнне мяжы дапушчальнай канцэнтрацыі цвёрдых часціц у 40 разоў.
