Адзін са нешматлікіх прыпынкаў Магілёва, які прыстойна выглядае вонкава, сапсаваны.
4 снежня. Магілёў. Ігар Лазоўскі
На прыпынку «Тэатр лялек» усталявалі новы прыпыначны павільён, падобны на той, што паставілі на праспекце Міра да V Форуму рэгіёнаў Беларусі і Расіі. Па аналогіі там будуць прадаваць прэсу, кнігі, сувеніры, магчыма нават платна частаваць кубачкам кавы.
Аднак у сацсетках абноўку ўспрынялі негатыўна. Журналіст і блогер Дзяніс Васількоў паведаміў, што ён напісаў электронны зварот да старшыні гарвыканкама Уладзіміра Цумарава, у якім «папрасіў прыбраць гэтую пачварнасць». Тое ж самае ён заклікаў зрабіць і іншых магілёўцаў.
Написал обращение и попросил убрать это уродство. Сделайте это и вы!
— De Nis (@vasilkov) 4 декабря 2018 г.
Не абыйшлося без гумару.
Чем вам apple store не угодил? pic.twitter.com/6yU8ykMghX
— Сергей Пехтерев (@colorage) 4 декабря 2018 г.
сделал более лучше pic.twitter.com/tqjo3hWGDP
— мятый аристократ (@johnny_hard) 4 декабря 2018 г.
У самім тэатры лялек таксама вельмі негатыўна адрэагавалі на новы павільён. У сваім Facebook ўстанова культуры заявіла, што навінка не толькі закрывае афішы і рэкламу, але і сам будынак тэатра XIX стагоддзя, які прызнаны культурна-гістарычнай каштоўнасцю.
Размова, на думку прадстаўнікоў тэатра, ідзе не толькі пра візуальны складнік, але і пра парушэнне заканадаўства аб культуры.
