Юрыст праваабарончага цэнтру «Вясна» Павел Сапелка ў гэтую сераду раскажа пра стаўленне органаў улады да грамадзян і адкажа на вышыя пытанні.
У гэтую сераду, 20 лютага, праваабарончы цэнтр «Вясна» запрашае вас у 18:30 у грамадскі цэнтр «Кола» (зав. Чкалава, 16) на сустрэчу з былым адвакатам, юрыстам Паўлам Сапелкай.
Павел каардынуе кампанію #БезПраваНаРасправу. У яе рамках праваабаронцы выяўляюць выпадкі катаванняў і іншых жорсткіх, бесчалавечных ці прыніжаючых годнасць відаў абыходжання і пакарання з боку органаў улады і іншых дзяржаўных структур.
Ён раскажа магілёўцам пра спецыяльную Канвенцыю, якая забараняе катаванні і здзекі, а таксама распавядзе пра перспектывы ўзаемадзеяння дзяржорганаў Беларусі і экспертаў ААН у гэтай сферы.
Акрамя таго, вы даведаецеся, як у праваабарончым цэнтры «Вясна» працуюць з ахвярамі дзяржаўных органаў і пачуеце іх гісторыі.
У другой частцы сустрэчы любы ахвочы можа атрымаць адказы на свае пытанні.
Уваход на сустрэчу бясплатны.
Магілёў, 20 лютага.
Грамадскі цэнтр «Кола» (зав. Чкалава, 16).
Адкрытая сустрэча з Паўлам Сапелкам, каардынатарам кампаніі # БезПраваНаРасправу.
Пачатак – 18:30. Уваход – вольны.
А вось тут вы можаце пачытаць пра выпадкі катаванняў і здзекаў над беларусамі:
