Размясціць яго прапанавалі насупраць Адміністрацыі прэзідэнта.
5 сакавіка. Магілёў. Вул. Ленінская. Ігар Лазоўскі. Здымак – Intex-Press
Актывіст Аляксей Паўлоўскі сабраў амаль восемдзесят подпісаў за ўшанаванне «падатку на дармаедства».
– Зрабіў гэта ў адзначэнне гэтай цудоўнай, парадаксальнай гістарычнай з’явы, а таксама з мэтай прыцягнення турыстаў для папаўнення засекаў айчыны першай у свеце дармаедскай дзяржавы, прызнанні ролі дармаедаў ў фарміраванні яе бюджэту, – патлумачыў актывіст.
Ён сцвярджае, што Дэкрэт №3 з’явіўся дзякуючы яму:
– Пару гадоў таму я звяртаўся да ўлады з такой прапановай, каб беспрацоўныя плацілі падатак. Улада паслухалася. Зараз гэта трэба ўшанаваць.
У петыцыі, пад якой падпісаліся 79 магілёўцаў, Аляксей Паўлоўскі заклікаў паставіць насупраць Адміністрацыі прэзідэнта скульптурную кампазіцыю дармаедам, а таксама ўвесці «Дзень дармаеда», які павінен святкавацца 31 жніўня – у дзень нараджэння Аляксандра Лукашэнкі.
– Адзначаць яго трэба пікетамі, мітынгамі, дэманстрацыямі, народнымі карнаваламі, маскарадамі і салютамі, – заявіў Паўлоўскі.
Ён накіраваў петыцыю ў Адміністрацыю прэзідэнта і дэпутатам Палаты прадстаўнікоў.
