Каардынатарка адной з найбуйнейшых грамадскіх арганізацый Магілёва распавяла, што яе за паўгода да выбараў вербаваў КДБ

Кіраўніца «АБФ Магілёў» распавяла, як яе прасілі «здаваць» сваіх калег і сяброў. Не абыйшлося без пагроз.

1 ліпеня. Магілёў. Алесь Святліцкі

Каардынатарка магілёўскага філіяла арганізацыі «Актыўным Быць Файна» Насця Марозава ў сваіх сацсетках распавяла, як у лютым 2020 г. яе паспрабаваў завербаваць супрацоўнік Камітэта дзяржаўнай бяспекі Дзмітрый Пасрэднікаў. Яго сапраўднае імя вядома Насты, паколькі ён – яе былы аднагрупнік.

Дзмітрый Пасрэднікаў

У канцы студзеня ён патэлефанаваў Марозавай і прапанаваў сустрэцца. Грамадская актывістка на той момант працавала ў аўтасалоне і падумала, што яе былому таварышу неабходна кансультацыя па працоўным пытанні.

Амаль адразу пачаліся дзівацтвы. Замест таго, каб сустрэцца з Настай у горадзе ці прыйсці да яе ў офіс, экс-аднагрупнік паведаміў, што чакае яе ў сваім аўто, срэбнай «Skoda». Там ён прадэманстраваў пасведчанне супрацоўніка КДБ.

«Калі ты з ім сустракаешся і наіўна думаеш, што гэта сустрэча аб крэдыце на куплю новай тачкі ці зніжцы на рамонт, то табе тыкаюць ў твар чырвоную скарыначку пасведчання супрацоўніка КДБ і пачынаюць распавядаць як крута мець пісталет і права карыстацца ім пры пагрозе жыцця супрацоўніку і што яму за гэта нічога не будзе, распавядаюць дзе працуюць твае сваякі, называюць месца тваіх падарожжаў і навучанняў», – распавяла Марозава ў сваіх сацсетках.

View this post on Instagram

Жить в Беларуси, любить свою страну. Что это значит? ⠀ Это значит, что когда ты координаторка организации современного народного образования и проводишь бесплатные кружки по шведской (какой ужас!) методике, тебе в любой момент может позвонить твой бывший одногруппник Дима Посредников (рабочая страница https://vk.com/id361087292 – ведь личные вести нельзя), который общагу на 5м курсе получил благодаря твоей рекомендации, как координаторки по волонтерскому движению за его "активную" волонтерскую деятельность (которой не было, но мы ж одногруппники, а снимать квартиру приезжему в Могилеве дорого), который так и не вернул твои пособие и конспект по философии, когда не мог сдать экзамен с 1го раза, и пригласить побеседовать. И не говорить на какую тему. ⠀ А когда ты с ним встречаешься и наивно думаешь, что это встреча о кредите на покупку новой тачки или скидке на ремонт, то тебе тычут в лицо красную корочку удостоверения сотрудника КГБ и начинают рассказывать как круто иметь пистолет и право пользоваться им при угрозе жизни сотруднику и что ему за это ничего не будет, рассказывают где работают твои родственники, называют места твоих путешествий и обучений… ⠀ И начинают вербовать. Чтобы ты стала сдавать коллег и друзей, партнерские организации, ездила по их заказу на мероприятия, которые они сами не могут посетить и давала отчет. ⠀ Когда угроз, просьб и убеждений мало, то тебе предлагают зарплату. Не облагаемую налогами. Заманчиво? ⠀ А еще вместе вы придумаете ваше секретное имя, которое вы нигде ранее не использовали, но оно будет связывать вас с вашим куратором. Например, "Лазер". ⠀ Потом вы будете бояться ходить вечером по улице, ставить отметки открытия входной двери в квартире, бросите пить и пойдете к платному психологу, перестанете доверять людям, отвечать незнакомцам в сети и перестанете брать трубку на незнакомые номера. ⠀ Будете много плакать, корить себя. И очень много бояться. Бояться говорить, лайкать, постить. ⠀ Хорошо если вы сходите к правозащитникам… Спасибо огромное тебе, Alex@alexraycon @mayday.team Ты потрясающий!

A post shared by Анастасия Морозова (@ember_of_cinnamon) on Jun 29, 2020 at 7:47am PDT

Нягледзячы на ​​тое, што каардынатарка «АБФ Магілёў» публічна распавяла пра гэты выпадак толькі цяпер, яна адразу пасля сустрэчы з КДБ-шнікам паведаміла пра спробу вярбоўкі сваім калегам у «АБФ» і праваабаронцы «Магілёўскай вясны» Сашы Райкону.

У першую чаргу, Дзмітрыя Пасрэднікава цікавілі партнёры «АБФ», а таксама паездкі Анастасіі. Формула вярбоўкі была простая: спачатку Пасрэднікаў «па старой дружбе» спрабаваў уцерціся ў давер, распавядаючы, што ён трапіў у КДБ пасля службы ў войску, распавядаў пра сям’ю, а калі Марозава не паддаваліся – перайшоў да няўлоўных пагрозаў. Прычым тычыліся яны ў першую чаргу родных і блізкіх Анастасіі.

Ён прапаноўваў каардынатарке “АБФ” падпісаць згоду на вярбоўку і нават прыдумаў ёй пазыўны «Лазэр». Акрамя таго, ён прапаноўваў ёй нават заробак, праўда, не ўдакладняючы сумы.

Марозава апублікавала старонку Пасрэднікава ў «Укантакце», аднак інфармацыя адтуль была аператыўна выдаленая.

Яшчэ адна крыніца MSPRING.ONLINE паведаміла, што Дзмітрый Пасрэднікаў мільгаў у розных грамадскіх ініцыятывах Магілёва аж з 2011 года. Быў не вельмi прыкметным і спакойным.

Насця Марозава – не адзіная мэта вярбоўкі КДБ. Раней спецслужбы спрабавалі завербаваць валанцёрку ЛГБТК-ініцыятывы “Новыя рэгіёны” Дар’ю.

Акрамя таго, «Магілёўская вясна» і MSPRING.ONLINE ведаюць пра яшчэ некалькі выпадкаў спробаў вярбоўкі КДБ сябраў розных грамадскіх магілёўскіх арганізацый. Верагодна, актывізацыя спецслужбы звязана з выбарамі прэзідэнта 2020 года.

Ад рэдакцыі: На месцы Анастасіі Марозавай, смелай і моцнай жанчыны, можа апынуцца любы беларус\беларуска, якой прапануюць “здаваць” сяброў, калег і знаёмых. Прызнацца ў тым, што цябе спрабавалі вербаваць – складана.

Насця, ты – вялікая малайчына і мы ганарымся, што ў горадзе ёсць такі чалавек, як ты, і такая арганізацыя, як «АБФ Магілёў». Усё будзе добра.

Калі хтосьці яшчэ сутыкнуўся са спробай вярбоўкі КДБ для мэтаў, якая супярэчаць прынцыпам правоў чалавека, «Магілёўская вясна» і часопіс MSPRING.ONLINE гатовыя аказаць любую пасільную дапамогу. Пішыце, калі ласка, на mspring.online@gmail.com.